जे आदिवासींसाठी लढले...

जे आदिवासींसाठी लढले
ते आद्यक्रांतिकारक कुठे गेले ?

जंगलात बहरलेला संसार
सोडुनी केला समाजाचा उध्दार
ते आदिम संस्कृतीसाठी जगले
जे आदिवासींसाठी लढले
ते आद्यक्रांतिकारक कुठे गेले ?

कंदमुळे खावुनी केले जंग
विसरले सारे नक्षत्रांचे रंग
ते रक्ताची होळी खेळले
जे आदिवासींसाठी लढले
ते आद्यक्रांतिकारक कुठे गेले ?

सावकारी पाशात गुदमरली जनता
भोगली रानावनांतिल ममता
त्यांनी या अन्यायी वृत्तीन्ना ठेचले
जे आदिवासींसाठी लढले
ते आद्यक्रांतिकारक कुठे गेले ?

छाताडाची मातीही बोलेल
विजयी गाथा आद्य क्रांतीविरांची
ते आदिवासी बाण्याला जागले
जे आदिवासींसाठी लढले
ते आद्यक्रांतिकारक कुठे गेले ?

आजचा इतिहासही रडेल
जेव्हा आदिवासी बलिदान बोलेल
ते मानवतेसाठी फासावर चढले
जे आदिवासींसाठी लढले
ते आद्यक्रांतिकारक कुठे गेले ?

©राजू ठोकळ
9890151513
www.rajuthokal.com