हरणटोळ ( Green Vine Snake) हा झाडांतून वस्ती करणारा साप आहे.
वास्तव्य- गाव, शहर, रानात
खाद्य -पक्षी त्यांची अंडी, पाल, सरडे इत्यादी
हरणटोळ हा भारतात जंगलांमध्ये सापडतो. हा साप पूर्णपणे झाडावरच राहतो आणि जगतो, नेहमी वेलींवर किवा फांद्यांवर दिसून येतो....जेथे जंगल घनदाट आणि उष्ण असते तेथे तो आढळतो.
हरणटोळ हा केवळ एकाच हिरव्या रंगात सापडत नाही तर कधी हिरवा आणि पिवळा तर कधी तपकिरी अशा मिश्र रंगांमध्ये सुद्धा सापडतो. त्याची जीभ ही लांब आणि गडद हिरव्या रंगाची असते, जीने तो आजूबाजूच्या स्तिथीचा अंदाज घेत असतो. घाबरला असता तो स्वताला फुगवून मोठा दाखवण्याचा प्रयत्न करतो.
एका वयस्क हरणटोळचा घेर २ सेमी असून लांबी २ मीटर पर्यंत वाढू शकते. तो आपल्या लांब शेपटीचा वापर झाडावर चढताना किवा शिकार करताना माकडा सारखा पकडायला वापरतो. दुसऱ्या सापांपेक्षा याचे डोके लांब असते, डोक्याच्या टोकाला तोंड आणि नाक असते.
हरणटोळ हा एक धीम्या गतीचा साप असून तो स्वताला वाचवण्यासाठी पूर्णपणे आपल्या त्वचेच्या रंगाच्या झाडांमध्ये गायब होण्याच्या सवयीवर अवलंबून असतो. हरणटोळ हा पाली, सरडे, बेडूक आणि इतर कुर्ताडणाऱ्या प्राण्यांना खातो. तो आपले भक्ष डसून त्यामध्ये विष सोडून त्याला अक्क्खा गिळून खातो.
हरणटोळ हा माध्यम विषारी साप आहे, जरी त्याच्या विषाने मृत्यू होत नसला तरी त्याच्या चावण्या पासून लहान मुलगा आजारी पडू शकतो तर मोठ्यांना माधुमाशीच्या डंकाप्रमाणे जळजळ होते. आजपर्यंत याच्या चावण्याने कोणत्याही माणसाचा मृत्यू झालेला नाही.
आजकाल हरणटोळ हा अनेक ठिकाणी पाळीव म्हणून ठेवण्यात येत आहे, जरी स्वभावाने शांत असला तरी कधी कधी चिडून तो चावा घेतो, त्याच्या जबड्याच्या मागील दातांमध्ये विष असते. बाजारात सुद्धा त्यची विक्री होण वाढलेलं आहे, त्वचेच्या रंगामुळे लोकांच्या पसंतीस आल्यामुळे घरात पाळण्याचे प्रमाण वाढले आहे, त्याचे दुष्परिणाम मात्र सापाच्या जंगलातील संख्येवर आणि बंदिस्त अवस्थेत त्याचं मरण होत आहे.
.JPG)
0 comments :
Post a Comment